USI ના રિપોર્ટમાં ચિંતાજનક ખુલાસો, આ `ગંભીર સમસ્યા` સામે ઝઝૂમી રહ્યા છે ભારતીય સૈનિકો

નવી દિલ્હી: ભારતીય સૈનિકો (Indian soldiers)ના જીવ દુશ્મન કરતા વધુ તણાવ લઈ રહ્યો છે. એમા પણ સૌથી વધુ ચિંતાજનક વાત એ છે કે આ તણાવ (Tension) મોટાભાગે સીનિયર ઓફિસરોના વ્યવહારના કારણે પેદા થાય છે. જવાનો અને જેસીઓમાં તણાવનું સૌથી મોટું કારણ યોગ્ય સમયે રજા ન મળવાનું છે. આ બાજુ યુવા ઓફિસરોમાં તણાવનું સૌથી મોટું કારણ ઓછી લાયકાતવાળા સીનિયર ઓફિસર અને બિનજરૂરી કામનો બોજ છે. અપાયેલા કામને અશક્ય રીતે ઓછા સમયમાં કરવાનું દબાણ પણ યુવા ઓફિસરોને સૌથી વધુ તણાવ આપે છે. 

USI રિપોર્ટમાં થયો ચોંકાવનારો ખુલાસો
રક્ષા મંત્રાલયની સૌથી મોટી થિંક ટેન્ક THE UNITED SERVICE INSTITUTION OF INDIA (USI) નો સેનામાં તણાવને લઈને એક વર્ષ સુધી ચાલેલા રિસર્ચના પરિણામો અત્યંત ચોંકાવનારા છે. આ રિસર્ચ પર આધારિત એક વેબિનાર પણ ગત વર્ષે 17 ઓક્ટોબરના રોજ આયોજિત કરાયો હતો. જેમાં અનેક વાત સામે આવી જે ભારતીય સેનાના સૈનિકોને જીવલેણ તણાવ આપી રહી છે. 

અયોગ્ય અધિકારીઓની નીચે કામ કરી રહ્યા છે યુવા ઓફિસર
ખાસ કરીને યુવા ઓફિસરોમાં સેનાની નોકરીમાં અનેક એવી વાતો છે જે ખુબ વધુ તણાવ આપે છે. આ રિસર્ચમાં કહેવાયું છે કે જવાનો અને જેસીઓમાં હજુ પણ સેનાની નોકરીને લઈને ગર્વ કરવાની વાત છે પરંતુ ઓફિસરોના મામલામાં એવું નથી. યુવા ઓફિસરોને પોતાના સીનિયર્સના નિર્ણયો લેવા, અયોગ્ય ઓફિસરોની નીચે કામ કરવું, બિનજરૂરી અને બેકાર કામોમાં લગાવવા અને કામોને અશક્ય સમયમર્યાદામાં પૂરા કરવાના હુકમથી સૌથી વધુ તણાવ થઈ રહ્યો છે. 

સીનિયર ઓફિસરોના વ્યવહારની લાંબી સૂચિ
રિસર્ચમાં સીનિયર ઓફિસરોના વ્યવહારની લાંબી સૂચિ છે જે યુવા ઓફિસરોને સેનાની નોકરીથી દૂર ધકેલી રહી છે. જેમાં સીનિયર ઓફિસરો દ્વારા પક્ષપાત અને ભ્રષ્ટાચાર, ગેરસમજ પેદા કરનારો હુકમ, વીઆઈપી વિઝિટમાં પૂરો સમય ખર્ચ થવા પર પોતાના માટે સમય ન બચવો, સીનિયર ઓફિસરોનું વલણ અને જી હજૂરી પસંદ વ્યવહાર, પ્રમોશનમાં ભેદભાવ છે. પરંતુ સૌથી વધુ આશ્ચર્ય ચકિત કરનારું કારણ છે ARMY WIVES WELFARE ASSOCIATION એટલે કે AWWA ના કાર્યક્રમ, લેડિઝ મીટ અને સેનામાં ઓફિસરો વચ્ચે થનારા અન્ય સોશિયલ ફંક્શન. AWWA ની રચના સૈનિકોની પત્નીઓના કલ્યાણ માટે થઈ હતી અને તેમા ઓફિસરોની પત્નીઓ અનેક કાર્યક્રમો આયોજિત કરે છે. 

તણાવનું સૌથી મોટું કારણ રજાઓ ન મળવી
આ બાજુ જવાનો અને જૂનિયર કમિશન્ડ ઓફિસરો એટલે કે જેસીઓ વચ્ચે તણાવનું સૌથી મોટું કારણ રજાઓ ન મળવું છે. ખુબ વધુ કામ, આરામ માટે સમય ન મળો અને ઘરેલુ પરેશાનીઓ તણાવના બીજા અન્ય  કારણો છે. સીનિયર ઓફિસરો સાથે વાતચીત ઓછી થવી, તેમની સમસ્યાઓ પર ધ્યાન ન આપવું, સીનિયર્સ દ્વારા પરેશાન થવું વગેરે તણાવ આપી રહ્યા છે. 

AWWAના કાર્યક્રમો, લેડીઝ મિટિંગ અને પાર્ટીઓમાં લાંબી ડ્યૂટી
હાજરી આપતી વખતે કે અન્ય અવસરો પર કારણવગર લાંબા સમય સુધી ઊભા રહેવું, AWWA ના કાર્યક્રમો, લેડીઝ મીટિંગ અને પાર્ટીઓમાં લાંબી ડ્યૂટી પણ જવાનો અને જેસીઓને તણાવ આપી રહ્યા છે. જવાનો પાસે મનોરંજનની સુવિધાઓની કમી, પરિવારથી લાંબુ અંતર, સ્વાસ્થ્યની સમસ્યાઓ, ફીલ્ડ એરિયામાં રહેવા માટે પૂરતી જગ્યા ન હોવી, સીનિયર્સ દ્વારા દુર્વ્યવ્હાર થવો વગેરે  તણાવ પેદા કરી રહ્યા છે.